當自己是VIP的準參加者
 |
| 天體準參加者的事情 |
昨日收到一位參與體驗天體活動查詢，該位朋友表示想參加是次活動，但印象中我記得該朋友早前已報名過體驗班，該次活動就因為他而被迫取消，事原25號開班，早在10日前該參加者（暫稱A），已說明會參加，而在倒數第9日，已經通知A，報名人數已足夠開班，於是我便立即準備租場地，然後計好每人預算$300，因為本會指定，參加活動前要付款，才算確認，避免因爲一些無謂的事情，令本會蒙受損失！這都是很正常和合理的事情！而且本會每次活動都只是實報實銷，沒有賺取一分一毫！
倒數第8日，通知各ABC會員，活動前請入數到銀行戶口，確認入數後！才正式是準參加者！而款項不會退回！
倒數第7日，B參加者已入好款項，並主動通知我！非常好啦！快手且合作！有誠意表現！
倒數第6日，連C都已經入好款項，並主動通知我！都好呀！兩日已經入好處理！都算好！
倒數第7日，還欠A喎！於是我要主動發電郵通知A，因時間緊迫，要盡快入數確認！因為想盡快落實後，我就可以集中精神辦好活動！不用再分神處理收款問題！
倒數第6日，A還沒有回覆，我當然詢問一下有什麼困難可以幫忙！
倒數第5日，A還沒有任何回音！
倒數第四日，A終於回覆，問是次活動是否柴娃娃，吹下水，就一晚！於是我當然第一時間要回覆他！希望盡快解答他疑問！
倒數第三日，完全無回音！昨日已回覆他，希望他盡快回覆，因為心知不妙，距離舉會日期，還有兩日，如果他唔盡快過數確認，會麻煩！而且跟據他回覆電郵是龜速關係！非常擔心，於是再問他還有什麼疑問！
倒數第2日，今日我定左，若然他不回覆可能就是消息是次活動！因為訂場錢是平均分的，少了一人的費用也影響很大，就算問返其他參加者願意補回費用，都要大費周章，又要解釋，又要再收多次費用，而且今次責任是那位A，無可能要BC參加者承擔！這都好合理！
倒數最後一日，最終A回覆，A問本會有無渣x銀行戶口，我當然無啦！因為我已經給了他全港最多人用兩間銀行給他過數，簡單就算排隊入都得，唔阻閣下很多時間啫，並且是A講到自已非常有興趣參加，先主報名在先！本會無強迫任何人，更可況本會只是義務性質舉辦活動！本會無需要冒任何風險！風險指報名參加活動後，活動當日，又因各種原因不能出席活動的參加者，令到本會要承擔缺席者的費用！這是不會容許，因為臨時放飛機或缺席人太經常出現，所以無論舉辦任何活動前收費是必須的。各報名參加者，都必需要先存款項，才算正式報名參加活動！
最後決定，因A關係要取消該次活動，更麻的我要再退回款項給BC，然後再解釋原因。浪費了我很多時間，而A有問可否到會場時付款，本會立場：不可以。
原因：
一）有風險：如果A到最後無出席活動，缺席者的費用，就要本會承擔！而且A與我第一次各不相識，我怎能相信A呢？所以經評估A是風險極大的類型。做任何事都有風險，風險是無可避免，但都應付將風險減到最低！保障本會及各會員！
二）不負責任：A成個過程，知道緊密，需要盡快回覆！但電郵聯絡過程中，倒數第四日才回電郵，在倒數第四日，我已明確表明還有什麼問題請盡快聯絡我，竟然到最後一日先話戶口問題！這覆電郵和銀行戶口態度上，已經表現出A的不負責任！明知趕急，重要龜速覆電郵，無銀行戶口連排隊都不願意，更加不自己想下辦法，到臨尾攪唔掂，先問可否即場比！好似射波甘將問題傳回本會身上。這都被視為不負責任行為！
三）無誠意參加活動：我點解甘講呢？因為凡事，講就天下無敵，做就無能為力！A就是表現得淋漓盡致，開頭參加是就話超級無敵有興趣，講到一定要參加，非參加不可，講呀麻（講就無敵）！然後講明入款後才算正式確認報名，然後就問題多多，又問做乜？又無銀行戶口？無銀行戶口又唔自己念辦法，又問唔付款先，到付得唔得？（射波，將問題歸咎於本會服侍唔周到，渣x銀行又唔提供，到付又唔得？）呢d咪，叫佢做野未無力羅！打個譬如，你好想買iphone，係咪會想盡任何方法想如何買到呢！如果知道可以買到iphone，係咪會就算住沙頭角要去到旺角都第一時間衝去買，當你好想要，你都會立即有所行動！A講到自己超級無敵想參加，我就真的見唔到佢有幾想！相反見到佢全無誠意又不負責任！
前幾日A又見到本會舉辦天體體驗班，又來電郵查詢，我就一第時間，提醒他記得要處理銀行戶口付款問題，若然處理好可留電話聯絡給我，有進一步消息會再聯絡A!但得來的結果是話我無禮貌，不會再參與本會任何活動，還叫我唔好回覆他電郵，否則即刪除！我覺得真係得「啖」笑！我已平心靜氣提醒A，A講我無禮貌，而A就上次一個唔負責任行為，累我增加幾倍工作，又累令到活動取消，我還要和B、C參加道歉，而A呢，無乜都無做過！而A當左自己係貴賓VIP會員，樣樣無錯，還要事事服事周到！真心講句，唔好甘天真啦！本會不是需要這類A的人材！本會重點貴精不貴多！A這類極品留給其他專貴的會吧！
返回首頁
熱門文章
如何申請成為天體會員
定期舉辦天體活動
天體活動類型
為什麼加入天體會
你適合加入天體會嗎？
什麼人不適合加入天體會
天體會會規
Facebook粉絲專頁
留言
張貼留言
天體的朋友留言